Krasskúrs um álagsárásir (DDos) og gagnagíslingu

Sem liður í öryggisátaki í október stendur Advania fyrir opnum fræðslufundi um algengar árásir. Mikilvægt er að stjórnendur og þau sem taka ákvarðanir á vinnustöðum, séu vel upplýst um forvarnir og viðbrögð við ógnum sem steðja að vinnustöðum þeirra.

Algengustu tegundir árása þessa dagana eru svokallaðar álagsárásir (DDoS) og innbrot í tölvukerfi þar sem gögn eru tekin gíslingu og krafist er lausnargjalds. Ástæður árásanna eru margvíslegar en markmið þeirra er yfirleitt að skaða starfsemi fyrirtækja.

Fundurinn verður krasskúrs um eðli þessara árása. Sérfræðingar Advania ráðleggja hvernig búa megi um hnútana svo vinnustaðir þeirra séu minna útsettir fyrir hættum.

Þátttakendum gefst kostur á að spyrja ráðgjafa og öryggissérfræðinga Advania spjörunum úr.