Framtíðin er sjálfvirk – með Copilot Studio

Eru endurtekin verkefni að taka óþarflega mikinn tíma úr deginum þínum? 

Á morgunverðarfundinum skoðum við hvernig þú getur nýtt Power Platform til að sjálfvirknivæða ferla og létt á daglegum verkefnum. Við kynnum einnig hvernig Power Platform getur nýtt gervigreindina í Copilot Studio til að framkvæma verk fyrir þig með snjöllum hætti. Að lokum deilum við innsýn í vegferð Advania síðustu 12 mánuði, þar sem byggt hefur verið upp öflugt Power Platform teymi í takt við þarfir viðskiptavina. 

Fundurinn fer fram í höfuðstöðvum Advania í Guðrúnartúni 10 en einnig verður hægt að fylgjast með í beinu streymi frá starfsstöð okkar að Austursíðu 6 á Akureyri og frá Setrinu Vinnustofu Fagradalsbraut 11A á Egilsstöðum.

Dagskrá fundarins

Framtíðin er sjálfvirk – með Copilot Studio

Sigfús Jónasson, fundarstjóri býður gesti velkomna og fjallar stuttlega um dagskrá fundarins.

Hraðari lausnir, minna flækjustig og lægri kostnaður

Högni Hallgrímsson, forstöðumaður Power Platform og gervigreindar

Í þessum fyrirlestri sýnum við hvernig low-code lausnir í Power Platform einfalda ferla, stytta leiðina frá hugmynd að lausn og lækka tilheyrandi kostnað — án þess að fórna öryggi, stýringu eða skalanleika. Við förum í hvað er nýtt og næst í Power Platform og sýnum raunveruleg dæmi um vörur sem hægt er að byrja að nota strax í dag. 

 

Hvernig er Copilot Studio að fara að breyta leiknum?

Andri Már Helgason, vörustjóri Power Platform

Í þessum fyrirlestri verður farið ítarlega yfir Copilot Studio og hvernig þessi nýja lausn frá Microsoft breytir nálgun okkar á sjálfvirkni og samtalsviðmót. Við skoðum hvernig gervigreind og einfaldar uppsetningar gera fyrirtækjum kleift að þróa snjallar lausnir án flókinnar forritunarkunnáttu. Tekið verður sýnidæmi um hvernig Copilot Studio getur tekið yfir endurtekna vinnu, stutt við þjónustu og aukið afköst – og hvernig Advania nýtir tækni sem þessa til að skapa virði fyrir viðskiptavini. 

 

Hvernig getur Advania aðstoðað þig við að ná árangri? 

Viktor Steinarsson, deildarstjóri Power Platform og gervigreindar

Í þessum fyrirlestri verður farið yfir hvernig Advania nýtir Power Platform til að styðja viðskiptavini í að ná árangri – bæði með ráðgjöf og tilbúnum lausnum. Kynntar verða helstu vörur í Power Platform og hvernig þær geta verið lykilverkfæri í sjálfvirknivæðingu og þróun snjallra lausna.