Framtíðin er sjálfvirk með Power Platform og gervigreind

Við fáum innsýn í raunveruleg verkefni þar sem hugmyndir verða að virkum lausnum, meðal annars með lifandi sýnidæmi í Copilot Studio og reynslusögu úr íslenskum rekstri þar sem Power Platform hefur skilað betri yfirsýn og aukinni skilvirkni. 

Viðburðurinn er ætlaður þeim sem vilja sjá hvernig tæknin skapar raunverulegt virði í daglegum rekstri.

Dagskrá

Sigfús Jónasson, fundarstjóri býður gesti velkomna og fjallar stuttlega um dagskrá fundarins. 

Frá hugmynd til hagnýtingar 

Högni Hallgrímsson, forstöðumaður Sjálfvirkni 

Í þessum fyrirlestri skoðum við dæmi um hvernig viðskiptavinir Advania hafa nýtt nýjustu tækninýjungar, sjálfvirkni, Power Platform og gervigreind, til að breyta eigin kerfum og ferlum. Með hagnýtri innleiðingu á þessum lausnum hafa fyrirtæki sparað bæði tíma og fjármuni, aukið rekstraröryggi og bætt upplifun starfsfólks og viðskiptavina. 
 
  

Erindreki á 20 mínútum - Copilot Studio í verki 

Andri Már Helgason, vörustjóri Power Platform 

Við búum til erindreka (e. agent) frá grunni í Copilot Studio - í beinni! Við sýnum hvernig hægt er að tengja við gagnasöfn, skilgreina aðgerðir og birta lausnina í Teams. Þátttakendur fá að sjá hversu einfalt er að fara frá hugmynd yfir í virka lausn á örfáum mínútum. 
 
  

Reynslusaga úr bransanum: "Vegferð Kjarnafæði Norðlenska"  

Reynir B. Eiríksson, Verkefnastjóri, Kjarnafæði Norðlenska  

Reynir hjá Kjarnafæði Norðlenska deilir því hvernig þau nýttu Power Platform til að sjálfvirknivæða ferla, bæta gagnasýn og auka skilvirkni í rekstri - samhliða innleiðingu á Business Central. Hvað virkar best? Hvaða áskoranir komu upp? Hver er ávinningurinn í dag?