Gerðu vefverslun þína betri

Harðnandi samkeppni frá alþjóðlegum verslunum og nýafstaðinn heimsfaraldur hefur fært íslenskum vefverslunum nýjar áskoranir. 

Álagið á vefverslanir hefur margfaldast og fjöldi pantana hefur aukist mjög undanfarin tvö ár. Mörg fyrirtæki standa því frammi fyrir því að kerfin þeirra eru orðin að flöskuhálsi. Þá þarf að kalla til mannafla til að bæta upp fyrir það sem kerfin ráða ekki við, í viðleitni til að mæta kröfum neytenda.  

Á veffundinum verður farið yfir samþættingu gagna, afgreiðslu pantana og það sem hafa þarf í huga við að reka góða netverslun.  

Við heyrum reynslusögur frá rekstrarstjóra netverslana S4S, Inga Þór Pálssyni, sem rekur fimm vefverslanir á smásölumarkaði og Sæmundi Maríel Gunnarssyni frá Ölgerðinni og Danól, sem rekur tvo stærstu heildsöluvefi landsins. Snævar Dagur Pétursson ræðir um DynamicWeb kerfið út frá getu og möguleikum.

Fundarstjóri er Arna Gunnur Ingólfsdóttir ráðgjafi Advania í vefverslunum.