Hlutverk og vægi stafrænna leiðtoga

Fjölmörg fyrirtæki og stofnanir hafa síðustu ár ráðið til sín fólk til að fara fyrir stefnumótun og stafrænni umbreytingu. En stafræn umbreyting krefst meiri fjárfestingar en að ráða til sín leiðtoga, hlúa þarf að grunnstoðum og ferlum innan vinnustaðanna.

Advania hefur staðið fyrir greiningu á helstu áskorunum stafrænna leiðtoga í ýmsum geirum sem farið verður yfir á fundinum. Rætt verður um hvernig nýta megi krafta stafrænna leiðtoga og virkja hlutverk þeirra í kjarnastarfsemi fyrirtækja.
 

Á fundinum verður farið yfir atriði sem stjórnendur þurfa að hafa í huga til að ná árangri á stafrænni vegferð:

• Hvaða tækifæri liggja hjá stjórnendum og stafrænum leiðtogum?
• Hverjar eru helstu áskoranir í stafrænni vegferð?
• Hvaða grunnatriði þurfa að vera í lagi til að styðja við og tryggja árangur í stafrænni vegferð fyrirtækja?
• Hvað ber að hafa í huga varðandi öryggi þegar fyrirtæki leggja af stað í stafræn verkefni?
• Hvaða hæfni þarf að vera til staðar á vinnustöðum nútímans?

Dagskrá:

• Hólmfríður Rut Einarsdóttir, vörustjóri á rekstrarlausnasviði Advania, segir frá greiningu á áskorunum stafrænna leiðtoga.
• Sigurður Sæberg Þorsteinsson, framkvæmdastjóri rekstrarlausna Advania, fjallar um stafræna innviði vinnustaða.
• Valeria Rivina, forstöðumaður veflausna Advania, fjallar um hvernig nýta megi krafta stafrænna leiðtoga og virkja hlutverk þeirra í kjarnastarfsemi fyrirtækja.

Þátttakendum gefst að sjálfsögðu kostur á að spyrja spurninga.