Mannauðsmót á Norðurlandi – Nýjar áskoranir í mannauðsmálum

Anna Katrín Árnadóttir og Guðlaug Þórhallsdóttir, ráðgjafar Mannauðslausna, fara yfir helstu breytingar á nýjum kjarasamningum hjá ríki og sveitarfélögum sem tóku gildi 1. nóvember. Áherslan verður á sýn starfsfólks í Vinnustund og vinnustundarappinu og að auka skilning stjórnenda og starfsfólks á þessum flóknu breytingum.

Sigrún Björk Sigurðardóttir, mannauðsráðgjafi hjá Akureyrarbæ mun deila með okkur hvernig Akureyrarbær hefur gert stjórnendur að mestu sjálfstæða þegar kemur að ráðningum með því að nýta 50skills hire lausnina sem býður upp á skilvirkt rafrænt ráðningarferli með góðri yfirsýn stjórnenda og utanumhaldi yfir umsækjendur.  

Davíð Tómas Tómasson, framkvæmdastjóri Moodup ræðir um þær ýmsu áskoranir sem stjórnendur standa frammi fyrir þegar kemur að því að halda í gott starfsfólk. Það getur reynst erfiðara að fá starfsfólk til að taka virkan þátt og stuðla að helgun í starfi. Þá skiptir miklu máli að hlusta á fólkið sitt, framkvæma reglulegar mælingar sem gefa stjórnendum heilstæða mynd af líðan starfsfólk og gerir þeim kleift að auka starfsánægju á vinnustöðum.  

Fundinum lýkur svo á fræðsluerindinu Hátíðar(v)andi? frá Hilju Guðmundsdóttur, ráðgjafa hjá Mental ráðgjöf. Erindinu er ætlað að vekja stjórnendur og starfsfólk til umhugsunar um þá margvíslegu álagsþætti sem fylgja hátíðunum, hvernig vinnustaðir geta brugðist við slíkum aðstæðum og hvaða skref bæði stjórnendur og starfsfólk geta tekið til að styðja við geðheilbrigði á vinnustað yfir hátíðarnar. 
 

Við hvetjum ykkur öll til að skrá ykkur á þennan fræðslufund fyrir mannauðsfólk og launasérfræðinga á Norðurlandi.