Viðskiptatryggð í stafrænum heimi

Aðgengi að vörum og þjónustu hefur aldrei verið jafn auðvelt og það er í dag og samkeppnin er hörð. Það er einfalt fyrir viðskiptavini að hoppa ört á milli þjónustuaðila og leita að besta tilboði hverju sinni. Viðskiptatryggð fer minnkandi á milli viðskiptavina og fyrirtækja og aldrei hefur verið jafn krefjandi fyrir fyrirtæki að halda í viðskiptasambönd sín.  

Það er því mikilvægt að staldra við og leiða hugann að því til hvaða aðgerða er hægt að grípa til að viðhalda núverandi viðskiptasamböndum og jafnframt halda í þau nýju. 

Við fáum til okkar góða gesti, Ingibjörgu Ásdísi Ragnarsdóttur, framkvæmdastjóra sölu og þjónustu hjá Vís, Dr. Eddu Blumenstein eiganda og framkvæmdastjóra BeOmni consulting og Yngva Tómasson stofnanda og framkvæmdastjóra Leikbreytis. Valeria R. Alexandersdóttir forstöðukona veflausna Advania mun stýra fundinum og ræða við þau um þessi mál og fá til að þau til að ausa úr viskubrunni sínum.  

Fundurinn er fyrir þau sem vilja öðlast skilning á því hvernig viðskiptavinatryggð og upplifun viðskiptavina geta spilað stóran sess í rekstrargrundvelli fyrirtækja og skapað þeim forystu.